काठमाडौ। महोत्तरी बर्दिबासका किसानहरुले बिहीबार जनकपुरधामस्थित रेल्वे कार्यालयमा प्रदर्शन गरेका छन् ।

जनकपुर–जयनगर रेल्वे विस्तार तथा स्तरोन्नति आयोजनाका लागि अधिग्रहण गरिएको जग्गाको मुआब्जा माग गर्दै उनीहरुले रेल्वे कार्यालयमा प्रदर्शन गरेका हुन् ।

कार्यालय घेराउ गर्न गएका किसानहरुले नेपाल रेल्वे कम्पनीका इन्जिनियर विनोद ओझालाई मागपत्रसमेत बुझाएका छन् ।

यसअघि स्थानीय किसान र रेल्वे कम्पनीबीच जग्गाको मूल्यांकनसम्बन्धी सम्झौता भएको थियो । तर उक्त सम्झौतामा पुरानो खोल्सी कुलोदेखि पश्चिमको जग्गाको मूल्यांकन प्रतिकठ्ठा १५ लाख रुपैयाँको दर भए पनि प्रतिकठ्ठा १० लाख रुपैयाँको दरले मात्र भुक्तानी दिएको उनीहरुको भनाइ छ ।

रेल्वे कम्पनीले बर्दीबासमा रेल्वे स्टेसन तथा बन्दरगाह निर्माण गर्न स्थानीयसँग प्रतिकठ्ठा ८ लाखदेखि ८१ लाखसम्मको मूल्यांकन राखी ५४ बिघा जग्गा अधिग्रहण गरेको थियो ।

अधिग्रहण गरिएका जग्गाका धनीहरुले मालमोतमा सहीछाप गरिसकेको र जग्गा रेल्वे कम्पनीको नाममा कित्ताकाटसमेत भइसकेको छ ।

बर्दीवासमा अधिग्रहण गरिएका ५४ बिघामध्ये ५/७ बिघा जग्गाको मात्र मुआब्जामा विवाद छ । बाँकी जग्गाधनीहरुले समझौताअनुसार नै मुआब्जा पाएका छन् ।

यता नेपाल रेल्वे कम्पनीका इन्जिनियर विनोद ओझा २०७५ भदौ २ गतेको जग्गा मूल्यांकन समितिको निर्णयअनुसार नै मुआब्जा वितरण गरिएको बताउँछन् ।

प्रतिक्रिया दिनुहोस
ताजा
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया