लमजुङ, मध्यनेपाल नगरपालिका-३ सोतिपसल बस्ने विश्वनाथ अधिकारीको घरमा विद्युत सर्ट भई बुधबार दिउँसो आगलागी हुँदा घर, नगद ३० हजार रुपैयाँ र करिब ७ तोला सुनका गहना समेत जलेर करिब २५ लाख रुपैयाँ बराबरको धनमाल नष्ट भएको छ ।

त्सैगरी सर्लाही, कौडेना गाउँपालिका-४ मोतिपुर बस्ने ईन्दर रायको ग्यारेजमा मर्मतको लागि राखिएको एसके ०४६७७२ नम्बरको टाटासुमोमा बुधबार राति अचानक आगलागी हुँदा करिब ५ लाख रुपैयाँ बराबरको धनमाल जलेर नष्ट भएको छ ।

त्सैगरी नवलपरासी (पूर्व), कावासोती नगरपालिका-८ स्थित एनआइसी एसिया बैंक कावासोती शाखामा विद्युत सर्ट भई बिहीबार बिहान आगलागी भएको छ । आगलागी भएको भन्ने खबर प्राप्त हुनासाथ जिल्ला प्रहरी कार्यालय समेतबाट खटिएको प्रहरीले स्थानीय बासिन्दाको सहयोगमा आगलागी नियन्त्रणमा लिएको छ । हाल आगलागीबाट भएको क्षतिको विवरण आउन बाँकी रहेको छ ।

प्रहरी र स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको छ ।