हिपमत डटकम
काठमाडौ । चन्द्रागिरी नगरपालिका–१४ पुरानो नैकाप बस्ने ४१ वर्षीय शंकर थापाको घरमा तास खेलिरहेको अवस्थामा १६ जनालाई प्रहरीले पक्राउ गरेको छ । शनिबार राति सोही ठाउँ बस्ने ५२ वर्षीय पुष्कर थापा सहित १६ जनालाई प्रहरीले पक्राउ गरेको हो ।
थापाको घरमा जुवातास खेलिरहेको खबर प्राप्त हुनासाथ महानगरीय प्रहरी वृत्त थानकोट र महानगरीय प्रहरी प्रभाग बलम्बुबाट खटिएको प्रहरीले उनीहरुलाई पक्राउ गरेको हो ।
४ लाख ४३ हजार ३ सय ५ रुपैयाँ, जुवातास खेल्न प्रयोग भएको गलैचा १ थान र ६ सय ३४ पत्ती तास सहित उनीहरुलाई पक्राउ गरेको प्रहरीले जनाएको छ ।
त्यस्तै भक्तपुर, चाँगुनारायण नगरपालिका–८ सुडाल पुरीगाउँ बस्ने ५२ वर्षीय मणिराम पुरीको घरमा तास खेलिरहेको अवस्थामा १५ जनालाई प्रहरीले पक्राउ गरेको छ । श्निबार राति पुरी लगायत १५ जनालाई पक्राउ गरेको प्रहरीले जनाएको छ ।
प्रहरीका अनुसार पुरीको घरमा जुवातास खेलिरहेको भन्ने खबर प्राप्त हुनासाथ महानगरीय प्रहरी परिसर भक्तपुरबाट खटिएको प्रहरीले उनीहरुलाई नगद १२ लाख ४३ हजार ७ सय ८० रुपैयाँ र २ बुक तास सहित फेला पारी पक्राउ गरेको हो ।
सोही दिन नेपालगंज उपमहानगरपालिका–१३ बाबुगाउँबाट जुवातास खेलिरहेको अवस्थामा ४८ जनालाई प्रहरीले पक्राउ गरेको छ । शनिबार विहान नगद ४ लाख ६६ हजार ७७ रुपैयाँ र १० गड्डी तास सहित उनीहरुलाई पक्राउ गरेको हो ।
प्रहरीका अनुसार जुवातास खेलिरहेको भन्ने गोप्य सूचनाको आधारमा जिल्ला प्रहरी कार्यालय बाँके र वडा प्रहरी कार्यालय नेपालगंजबाट खटिएको प्रहरीले उनीहरुलाई जुवातास खेलिरहेको अवस्थामा फेला पारी पक्राउ गरेको हो ।
१.
२.
३.
