खबर ठुलो छ

प्रमुख निर्वाचन आयुक्त दिनेशकुमार थपलिया र नेपालका लागि इजरायलका राजदूत हनान गोडेरबीच आज भएको शिष्टाचार भेटमा दुई देशका निर्वाचन व्यवस्थापन निकायबीचको आपसी सम्बन्धबारे विचारविमर्श भएको छ ।

दुई देशबीच कुटनीतिक सम्बन्ध स्थापना भएको ६० औँ वर्षगाँठ मनाइरहँदा उनीहरुबीच भएको भेटमा आगामी दिनमा दुवै निकायबीच सहयोगका नयाँ क्षेत्रहरुको पहिचान गरी आपसी सहयोग आदान–प्रदान गर्ने विषयमा समेत छलफल भएको आयोगका प्रवक्ता राजकुमार श्रेष्ठले जानकारी दिए ।

सो अवसरमा प्रमुख निर्वाचन आयुक्त थपलियाले दुई देशबीचको आपसी सम्बन्ध सुमधुर रहेको र आगामी दिनमा निरन्तर सहकार्य हुने बताए । उनले प्रतिनिधिसभा सदस्य निर्वाचन, २०७८ तथा स्थानीय तह निर्वाचनको सन्दर्भमा समेत दुई देशका निर्वाचन व्यवस्थापन निकायका बीचमा आपसी अनुभव आदान–प्रदान हुने र सम्वन्ध थप मजबुत बनाउन सहयोग पुग्ने विश्वास व्यक्त गरे ।

आयोगका सचिव सुरेश अधिकारीले नेपालको निर्वाचन प्रणाली, पद्धति, प्रक्रिया, चरण र निर्वाचन व्यवस्थापनका विभिन्न आयामका सम्बन्धमा जानकारी गराउँदै अन्य क्षेत्रको सहयोगका अतिरिक्त निर्वाचनका क्षेत्रमा दुवै देशका निर्वाचन व्यवस्थापन निकाय बीचमा आपसी सहयोग गर्न सकिने बताए । रासस

मंगलबार, आषाढ ०१, २०७८मा प्रकाशित गरिएको
प्रतिक्रिया दिनुहोस
जनमत

आउदो निर्वाचनमा तपाईको मत कुन पार्टीलाई ?

View Results

Loading ... Loading ...
ताजा
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया