ईलाम  जिल्लाको ईलाम नगरपालिका-११ आले चोकस्थित भित्री सडकमा ना.२ ख ९२०५ नम्बरको ट्रकको ठक्करबाट पैदलयात्री सोही ठाउँ बस्ने ८२ वर्षीय पदम बहादुर तामाङको मंगलबार बिहान घटनास्थलमै मृत्यु भएको छ । ट्रक र चालकलाई प्रहरीले नियन्त्रणमा लिएको छ ।

त्यसैगरी सुनसरी जिल्लाको बराहक्षेत्र नगरपालिका-१० दाजुभाइ चोकमा को.२ त ८१८७ नम्बरको ट्याक्टरबाट खसेर सोही ट्याक्टरको चक्काले किच्दा ट्याक्टरका सहचालक खोटाङ साकेला गाउँपालिका-१ डाँडागाउँ बस्ने २२ वर्षीय विष्णु कुमार बस्नेतको मंगलबार बिहान घटनास्थलमै मृत्यु भएको छ । ट्याक्टर र चालकलाई प्रहरीले नियन्त्रणमा लिएको छ ।

यस सम्बन्धमा प्रहरीले आवश्यक अनुसन्धान गरिरहेको छ ।