पर्सा जिल्लाको वीरगंज महानगरपालिका-१७ स्थित सडकमा बीआर ०५ एएल ७९१५ नम्बरको मोटरसाइकलको ठक्करबाट साईकलयात्री सोही ठाउँस्थित अलौ बस्ने ४२ वर्षीय रियाजुल मियाँ कमरियाको बिहीबार दिउँसो मृत्यु भएको छ । ठक्करबाट गम्भीर घाइते भएका उनको नारायणी अस्पतालतर्फ लैजाने क्रममा बाटोमै मृत्यु भएको हो । मोटरसाइकल चालकलाई प्रहरीले नियन्त्रणमा लिएको छ ।

त्यसैगरी धादिङ जिल्लाको गल्छी गाउँपालिका-७ भल्टारस्थित सडकमा बा.४ ख ५७७३ नम्बरको टिपर अनियन्त्रित भई सडकबाट करिब २ सय मिटर तल महेश खोलाको किनारमा खसेर बिहीबार राति दुर्घटना हुँदा टिपर चालक थाक्रे गाउँपालिका-१ बस्ने २८ वर्षीय सुर्य बहादुर जिसीको मृत्यु भएको छ । दुर्घटनामा गम्भीर घाइते भएका उनको प्राथमिक स्वास्थ्य केन्द्र गजुरीमा उपचारको क्रममा मृत्यु भएको हो ।

दुर्घटनाका सम्बन्धमा प्रहरीले थप अनुसन्धान गरिरहेको छ ।