कोभिड–१९ पछि पहिलो पटक विदेशी पर्यटक आगमनमा आशालाग्दो सुधार देखिएको छ । अध्यागमन विभागको तथ्यांक अनुसार गत मार्चमा मात्र १४ हजार ९ सय ७७ जना विदेशी पर्यटक नेपाल भित्रिएका छन् । जुन गत वर्षको चैतयताकै सबैभन्दा धेरै हो ।

त्यसो त हिउँदे सिजन अर्थात् हिमाल आरोहणको सिजनकै कारण पनि पछिल्लो समय पर्यटन आगमन बढेको पर्यटन विभागले जनाएको छ ।

विभागका अनुसार सन् २०२१ को हिउँदे सिजन मार्च २ देखि अप्रिल ६ सम्ममा ३०३ जना आरोहीले विभागबाट हिमाल आरोहणको स्वीकृति लिएका छन् ।

कुल ३७ टिममा आएका उनीहरुले विभिन्न समयमा विभिन्न हिमाल आरोहणको स्वीकृति लिएको विभागले जनाएको छ ।

सोबाट मार्चमा मात्र कुल २३ करोड ६३ लाख १ हजार ६९९ रुपैयाँ अर्थात् २ लाख २६ हजार ३ सय अमेरिकी डलर राजस्व संकलन भएको छ ।