हिपमत डटकम
बिराटनगर ,माघ-७:आज भिडियो कन्फरेन्समार्फत् प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदीले विराटनगर जोगवनीमा रहेको इन्टिग्रेटेड चेकपोष्ट संयुक्त रुपमा उद्घाटन गरेका छन् । आज नेपाल र भारतका दुवै प्रधानमन्त्रीले बटन दबाएर चेकपोष्ट उद्घाटन गरेका हुन् ।नेपाली समय अनुसार सवा ११ बजे संयुक्त चेकपोष्टआइसीपीको संयुक्त उद्घाटन हुने बताएको छ ।ट्वीटमार्फत् भारतीय प्रधानमन्त्री मोदीले सोमबार नै आइसीपीको संयुक्त उद्घाटन हुने जानकारी गरेका थिए । आइसीपी संचालनमा आएपछि दुवै देशको आयात निर्यातमा सहजता आउने विश्वास लिइएको छ ।यो नेपाल भारतबीच दोस्रो संयुक्त चेकपोष्ट हो । यसभन्दा अघि वीरगञ्ज रक्सौलमा आइसीपी निर्माण भई संचालनमा आइसकेको छ । यसले नेपाल र भारत सम्बन्धमा सुधार आउने संकेत देखिएको छ।