आउँदो सप्ताह शेयर बजार १५७५ देखि १६२५ सम्म जाने सम्भावना रहेको जानकारहरुले हिपमत डटकमलाई बताएका छन् ।
सप्ताहको चौथो दिन बुधवार १५ अंकको बृद्धि सहित १६०० मा बन्द भएको बजार सप्ताहको अन्तिम दिन विहिवार ११.३४ अंकले घटेर १५८९.६४ मा बन्द भएको थियो । तुरन्त लाभ लिने लागनीकर्ताहरुको दबाबमा शेयर बजार ११.३४ अंकले घटेर १५८९.६४ मा बन्द भएको शेयर विश्लेषकहरुले बताएका छन् । जनकारहरुका अनुसार आउँदो सप्ताह लगानीकर्ताहरुमा लाभ लिने प्रवृति बढ्यो भने बजार १५७५ सम्म जाने सम्भावना देखिएको छ । बजारको भित्री ट्रेड मजबुत देखिन्छ । खरिदकर्ता र बिक्रिकर्ताको उपस्थिति बराबरीमा रहेकोले १५७५ देखि १६२५ मा लम्किने सम्भावना बढि रहेको देखिन्छ ।
शेयर विश्लेषकहरुले हिपमत डटकमलाई दिएको जानकारी अनुसार शेयर बजारमा घट–बढ हुनु स्वभाविक प्रकृया हो । यो बजार सम्भावनाको नै खेल हो । अहिले बजारको ट्रेन्ड कम भए पनि फेरी बढ्ने तिर नै देखिन्छ । अगामी दशैं तिहार सम्म शेयर बजार १६५० सम्म जान सक्ने सम्भावना रहेको देखिन्छ ।