उदयपुरमा मेयरसहित ६ जनामा कोरोना संक्रमण पुष्टि भएको छ । धरानस्थित बीपी प्रतिष्ठानको कोरोना प्रयोगशालामा गरिएको परीक्षणबाट बेलका नगरपालिकाका मेयरसहित ६ जनामा कोरोना पोजिटिभ देखिएको हो। जिल्ला स्वास्थ्य कार्यालयका प्रमुख मोहन सुवेदीका अनुसार ५४ वर्षीय मेयरसहित ४०, ४३, २८, ४२ वर्षीय पुरुष र १८ वर्षीया युवतीलाई कोरोना पोजिटिभ देखिएको हो। उनीहरुमध्ये एक जना स्वास्थ्यकर्मीसमते रहेका छन्। योसंगै जिल्लामा कोरोना संक्रमितको संख्या एक सय २४ जना पुगेको छ। त्यसमध्ये ९२ जना पुरुष र ३२ जना महिला रहेका छन्।