नेप्से आज दुई दिन देखि लगातार ओरालो तिर ढल्कि रहेको छ । हिजो मंगलवार ७ अंकले ओरालो लागेको नेप्से आज पनि ३ अंक घटेर १५५० मा बन्द भएको छ ।
१९५३ करोड़को टर्नअभर भएको आजको बजार शुरु भएदेखि दिनको १२ः०० बजे सम्म लगातार ओरालो लागेर करिब १० अंकले तल झरेको थियो । १५४३ को टेष्टिङ्ग भए पश्चात बजारमा अलिकति खरिदकर्ताहरु देखिएको थियो । मध्यान्ह करिब २ः०० बजे पश्चात उकालो लागेर १५५० मा आजको बजार बन्द भएको छ ।
१९० कम्पनीको सहभागीता रहेको आजको बजारमा पनि हाइड्रो पावर क्षेत्रकै दबदबा देखियो । हाइड्रो पावरका १० कम्पनीमा उपर सकिर्ट लागेको छ ।
भोली विहिवार सप्ताहको अन्तिम दिन बजारमा दुई किसिको मत देखिन सक्छ । पहिलो मत बाजार खुल्दा मन्दी हुन सक्छ तर, अन्तिम समयमा बाजार तेजी तिर जाने सम्भावना रहेको जानकारहरु बताउँछन् ।
यदि लागनीकर्ताहरुको दबाब लाभ लिन तिर बढ्यो भने यो सप्ताह मन्दीपूर्ण सप्ताह रहने छ । बजार ओरालो लागे पनि भित्री रुपमा मजबुत रहेको कुरा बजारको अवस्था र लगानीकर्ताको गतिविधिलाई अध्ययन गरेका विश्लेषकहरुको निस्कर्ष रहेको छ ।