आइतबार, भाद्र १४, २०७७ || 694  पटक पढिएको

नेकपाकी नेतृ उमा भुजेललाई गैरन्यायिक थुनाबाट रिहा गर्न सर्वोच्च अदालतले सरकार र सप्तरी जिल्ला प्रहरीलाई आदेश जारी गरेको छ । उमा भुजेलको तर्फबाट निजकी बहिनी सुशीला भुजेलले दायर गरेको रिटउपर सुनुवाई गर्दै भदौ १४ गते आइतबार उक्त आदेश भएको अधिवक्ता कपिल पोखरेलले जानकारी दिएका छन् ।

नेतृ भुजेलसँगै सुमनसिंह पौडेलको हकमा पनि रिट जाहेर भएको छ । भुजेललाई सुनसरी जिल्ला अदालतले भदौ २ गते सादा तारेखमा रिहा गर्न आदेश गरेको थियो । रिहा हुनासाथ अदालत हाताबाटै गिरफ्तार गरेर दुई दिन बेपत्ता पारेपछि सप्तरी जिल्लास्थित कञ्चनपुर इप्रकामा पु¥याइएका उनीहरुलाई भारदहमा प्रहरीमाथि कर्तव्यपालना गर्न अवरोध गरेको झूठो आरोपमा अभद्र व्यवहार मुद्दा दायर गरेको थियो ।

नेताहरुको रिटमा न्यायाधीशहरु दीपककुमार कार्की र हरिकृष्ण कार्कीले फैसला गरेका हुन् । पीडितहरुका तर्फबाट वरिष्ठ अधिवक्ता एकराज भण्डारी, अधिवक्ताहरु कपिलप्रसाद पोखरेल, चिरञ्जीवी ढकाल, शान्तिराम ढुंगाना, चुडाबहादुर निरौला, राजु ढुंगाना, सन्तोष कोइराला र पंकजकुमार कर्णले बहस गरेका थिए ।

प्रतिक्रिया दिनुहोस
ताजा
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया
error: कृपया कपि नगर्नु होला !!