गत अगस्ट चार तारिखमा भएको बिस्फोटपछि कोरोनाभाइसका संक्रमितमा तीब्र वृद्धिलाई मध्यनजर गर्दै लेबनानका कार्यवाहक स्वास्थ्यमन्त्री हमद हसनले बेरुतमा चार हप्ताको लकडाउनको घोषणा गरेका छन् ।
उनले भोइस अफ लेबनान रेडियोसँग भने, ‘आज हामीले देशमा लकडाउन लगाउने कडा निर्णय लिनु परिरहेको छ ।’
हमद हसनले लेबनानको एक पत्रिका ‘अन नाहर’ लाई भने, ‘दुई हप्ताको लकडाउनका बेला स्वास्थ्य सेवा भने जारी रहनेछन् ।’
बिस्फोटपछि बेरुतमा ६ हजारभन्दा बढी घाइते भएका छन् । यो बिस्फोटमा बेरुतका अस्पतालमा पनि अत्यधिक क्षती पुगेको छ ।
स्वास्थ्य मन्त्रालयले आइतबार लेबनानमा कोभिड–१९ का ४ सय ३९ नयाँ संक्रमित भेटिएको र ६ जनाको मृत्यु भएको बताएको छ ।
स्रोतः बीबीसी
१.
२.
३.
