भारतमा एक नेपाली बालिका सामूहिक बलात्कारको शिकार भएकी छन । बिहारको राजधानी पटनामा १४ वर्षीय नेपाली बालिका बलात्कृत भएको संचारमाध्यमहरूले जनाएका छन । ६ महिनादेखी उनी दिदी र भिनाजुसँगै पटनाको राजीव नगरको शान्तिपुरम कोलोनीमा बस्दै आएको बताईएको छ । छिमेकीको घरमा सरसफाइको काम गर्ने उनि सोमबार साँझ करिब पाँच बजे कामबाट फर्किने क्रममा एक युवकले मोटरसाइकलमा जबरजस्ती लगेका थिए । उनलाई सुनसान गल्लीमा कुरेर बसेका आरोपित मध्येका एक रोशन कुमारले मोटरसाइकलमा लगेका थिए । नजिकैको निर्माणाधीन घरमा पाँचजनाले सामूहिक बलात्कार गरेको बताईएको छ । बालिका रोएको सुनेपछि स्थानीयले प्रहरीलाई खबर गरेका थिए । केहि आरोपितलाई प्रहरीले पक्राउ गरेको छ ।