काठमाडौँ। राष्ट्रिय परिचयपत्रमार्फत हालसम्म २ लाख २५ हजार ५७५ जनाले नयाँ मतदाता नामावली दर्ता गराएका छन्।

निर्वाचन आयोगका अनुसार, बायोमेट्रिक्स प्रणालीमार्फत पनि ३ लाख २ हजार ६२ जनाले नाम दर्ता गराएका छन्।

यो सङ्ख्या नयाँ मतदाता नामावली संकलन खुला भएको कात्तिक ३० गतेसम्मको तथ्यांक हो। आयोगले भनेको छ कि नामावली दर्ता मंसिर ५ गतेसम्म गर्न सकिनेछ।

हाल राष्ट्रिय परिचयपत्र नम्बर भएको नागरिकहरूले अनलाइनमार्फतै नाम दर्ता गर्न सक्ने सुविधा सरकारले उपलब्ध गराएको छ।