काठमाडौं – नेपाली बजारमा बुधबार सुनको मूल्य बढ्दै प्रतितोला दुई लाख ३८ हजार रुपैयाँमा पुगेको छ।

मंगलबार दुई लाख ३५ हजार चार सय रुपैयाँमा कारोबार भएको सुनको मूल्य बुधबार दुई हजार ६ सय रुपैयाँले वृद्धि भएको नेपाल सुनचाँदी व्यवसायी महासंघले जनाएको छ।

उता, चाँदीको मूल्यमा भने सानो गिरावट आएको छ। मंगलबार प्रतितोला दुई हजार ९ सय ६० रुपैयाँमा कारोबार भएको चाँदी बुधबार पाँच रुपैयाँ घटेर दुई हजार ९ सय ५५ रुपैयाँमा झरेको छ।