असोज — नेपाली महिला क्रिकेट टोलीले मलेसियाविरुद्धको पाँच खेलको टी–२० अन्तर्राष्ट्रिय शृंखला ३–२ ले जितेको छ। आज सम्पन्न अन्तिम तथा पाँचौं खेलमा नेपालले मलेसियालाई ५ विकेटले पराजित गर्दै शृंखला आफ्नो पक्षमा पारेको हो।

आजको खेलमा टस जितेर पहिला ब्याटिङ गरेको मलेसियाले २० ओभरमा ६ विकेट गुमाएर १०३ रन बनायो। १०४ रनको लक्ष्य नेपालले १८ ओभरमा ५ विकेटको क्षतिमा सहजै पूरा गर्‍यो।

शृंखलाको बाँकी खेलहरूमा नेपालले दोस्रो र चौथो खेलमा ६–६ विकेटले जित हासिल गरेको थियो, जबकि पहिलो खेलमा ३ रनले र तेस्रो खेलमा १३ रनले पराजित भएको थियो।

यस जितसँगै नेपाली महिला क्रिकेट टोलीले अन्तर्राष्ट्रिय स्तरमा आफ्नो प्रदर्शनलाई थप मजबुत बनाएको छ।