काठमाडौ । प्रतिनिधिसभा अन्तर्गतको महिला तथा सामाजिक समितिले मधेशी समुदायको स्पष्टता कायम गर्न मधेशी आयोगलाई निर्देशन दिएको छ ।
सिंहदरबारमा आज बसेको समिति बैठकले कुनै जात वा समुदाय मधेशी हुन भन्ने अवधारणामा स्पष्टता नआएसम्म आयोगको कार्यक्षेत्रको दायरा निक्र्यौल हुन नसक्ने भन्दै मधेशी समुदायको स्पष्टता कायम गर्न आयोगलाई निर्देशन दिएको हो ।
मधेशी, थारु, मुस्लिम, आदिवासी जनजाती लगायतका समूहमा हुने कार्यक्रमहरुमा दोहोरोपना नहुने गरी काम गर्न पनि समितिले आयोगको ध्यानाकर्षण गराएको छ ।
बैठकले मधेशी समूदायभित्रको उत्पीडन, दाईजो बोक्सी प्रथा जस्तै कुसंस्कारलाई नियन्त्रण गर्न आयोगको महत्वपूर्ण योगदान रहने भन्दै यसका लािग स्थानीय तहसंग प्रभावकारी समन्वय गरि निरोधात्मक प्रकृतिका कार्यलाई प्राथमिकता दिन पनि आयोगलाई निर्देशन दिएको छ ।