नेपालबाट गत आर्थिक वर्ष २०७८/७९ १८ करोड २९ लाख रुपैयाँको भेटेनरी भ्याक्सिन निर्यात भएको छ । भन्सार विभागले सार्वजनिक गरेको तथ्याङ्कअनुसार साउनदेखि असार मसान्तसम्मको अवधिमा उक्त मूल्य बराबरको भ्याक्सिन निर्यात भएको हो ।

यस अवधिमा नेपालबाट ४६ हजार ९९८ किलोग्राम भ्याक्सिन निर्यात भएको विभागको तथ्याङ्कमा छ । गत वर्ष विश्वका ११ वटा देशहरूमा भेटेनरी भ्याक्सिन निर्यात भएको छ । जसमध्ये अफगानिस्तान, अल्जेरिया, अफ्रिका, कंगो, इथियोपिया, गिनिया, केन्या, लाइबेरिया, नाइजर र तान्जानियामा निर्यात भएको छ ।

अफगानिस्तानमा ८९ लाख रुपैयाँको भ्याक्सिन निर्यात हुँदा अल्ेजरियामा ६ करोड ४६ लाख रुपैयाँको निर्यात भएको छ । यस्तै, अफ्रिकामा ८९ लाख, कंगोमा १८ लाख, गिनियामा २ करोड ४३ लाख, केन्यामा २१ लाख र नाइजरमा ५ करोड ३१ लाख रुपैयाँको भ्याक्सिन निर्यात भएको हो ।

गोल्छा समूहले भारतीय लगानीकर्तासँगको सहकार्यमा काभ्रेपलाञ्चोकमा भेटेनरी भ्याक्सिन उत्पादन गर्ने प्लान्ट सञ्चालन गरिरहेको छ । यही प्लान्टमार्फत विश्वभर भ्याक्सिन निर्यात हुने गरेको हो ।