काठमाडौं। नेपाल विद्युत प्राधिकरणले डेढ महिनामा बिजुली भारतमा निर्यात गरेर दुई अर्ब रुपैयाँभन्दा बढी आम्दानी गरेको छ ।
प्राधिकरणले गत वर्ष लक्ष्मी पूजाको दिनदेखि ३९ मेगावाट बिजुली भारत पठाएर व्यापार शुरु गरेको थियो ।
जेठ १९ देखि दैनिक तीन सय ६४ मेगावाट बराबरको बिजुली भारत निर्यात भैरहेको छ । अहिले कहिले दुई सय र कहिले तीन सय मेगावाट विद्युत निर्यात भैरहेको छ ।
गत चैतमा प्रधानमन्त्री शेरबहादुर देउवाको भ्रमणले भारतमा बिजुली बिक्रीको बाटो खुलेको थियो ।
नेपाल विद्युत् प्राधिकरणले भारतको विद्युत् मन्त्रालयअन्तर्गतको केन्द्रीय विद्युत् प्राधिकरणबाट छवटा जलविद्युत् आयोजनाबाट उत्पादित विद्युतलाई स्रोत मानी ३ सय ६४ मेगावाट विद्युत् आइएक्स मार्केटमा बिक्री गर्न स्वीकृति पाएको छ ।
प्राधिकरणले भारतीय ऊर्जा एक्सचेन्ज ‘आइएक्स’ मार्केटमा प्रतिस्पर्धी दरमा भारतीय बजारमा बिजुली बिक्री गरेको हो ।
यो बिक्रीको क्रम कात्तिकसम्म हुने प्राधिकरणको अनुमान छ । हिउँदमा भने भारतबाट आयात गर्नुपर्ने हुनसक्ने प्राधिकरणको अनुमान छ ।
प्राधिकरणले चालु आवमा करिब पाँच अर्ब र आगामी वर्षमा करिब २० अर्बको विद्युत् निर्यातको प्रक्षेपण गरेको छ ।
पछिल्लो समय नेपालको बिजुलीको जडित क्षमता २१ सय ८५ मेगावाट पुगेको छ ।
१.
२.
३.
हिपमत डटकम