मोरङको कटहरीमा एक जना व्यक्तिको शव फेला परेको छ।

कटहरी गाउँपालिका–१ महेशपुरमा आइतबार बिहान कटहरी–२ आदर्श टोलका ५० वर्षीय तुलसी श्रेष्ठको शव फेला परेको हो।

मोरङ प्रहरीका प्रवक्ता डिएसपी दीपक श्रेष्ठले दिएको जानकारीअनुसार शरीरमा चोट पनि देखिएका कारण शंकास्पद देखिएको र अनुसन्धान सुरु भएको छ।

‘हत्या हो कि होइन यकिन भइसकेको छैन’, श्रेष्ठले भने। घटनास्थलमा एसपीहितको टोली पुगेका छन्। घटनाबारे प्रहरीले अनुसन्धान सुरु गरेको छ।