आज सुन-चाँदीको मूल्य घटेको छ।

बुधबार सुन प्रतितोला ९५ हजार आठ सय रूपैयाँमा कारोबार भइरहेको छ भने चाँदी प्रतितोला १२ सय ५० रूपैयाँमा कारोबार भइरहेको छ।

सुनचाँदी व्यवसायी महासंघका अनुसार अघिल्लो दिन सुन प्रतितोला ९६ हजार सात सय रूपैयाँ र चाँदी प्रतितोला १२ सय ६० रूपैयाँमा कारोबार भएको थियो। यसर्थ आज सुन प्रतितोला नौ सय र चाँदी प्रतितोला १० रूपैयाँ घटेको हो।

केही समय यता सुन-चाँदीको मूल्यमा लगातार गिरावट देखिएको छ। अघिल्लो साताको बुधबार सुन प्रतितोला ९८ हजार सात सय रूपैयाँ र चाँदी प्रतितोला १२ सय ८५ रूपैयाँमा कारोबार भएको थियो।

बुधबार अन्तर्राष्ट्रिय बजारमा पनि सुनको मूल्य घटेर प्रतिऔंस १८ सय १० अमेरिकी डलरमा कारोबार भइरहेको छ।