नेपाली क्रिकेटर सन्दीप लामिछाने एसिया–११ टीममा पर्न सफल भएका छन् । उनी सो प्रतियोगिताको टीममा पर्ने नेपाली एक्ला खेलाडी हुन । बिश्वका बिभिन्न क्रिकेट प्रतिष्पर्धामा सहभागिता जनाइसकेका सन्दीप यो पल्ट पनि भाग्यमानी देखिएका छन् । बंगलादेशमा हुने टि–ट्वान्टी सिरिजका लागि एसिया–११ को टिममा उनले विश्व–११ विरुद्ध हुने खेलका लागि प्रतिष्पर्धा गर्नेछन् । बंगलादेश क्रिकेट बोर्डले मंगलबार सार्वजनिक गरेको खेलाडी लिष्टमा एसिया–११ बाट खेल्ने उनीसहित १४ जनाको नाम सार्वजनिक गरेको हो । एसिया–११ को टिममा पर्ने सन्दीपसहित भारतका ६ खेलाडी छन् । भारतबाट विराट कोहली, केएल राहुल, शिखर धवन, ऋसभ पन्त, कुलदीप यादव र मोहम्मद सामी रहेका छन् । अन्य खेलाडीमा तिसरा परेरा, लासिथ मालिङा, रासिद खान, मजेव ए रहमान, मुस्ताफिर रहमान, तामिम एकवाल, मुस्फिकिर रहिम, लिटोन दास रहेका छन् । त्यसैगरि विश्व–११ टीमबाट एलेक्स हलेस, क्रिस गेल, डु पेलेसिस्, निकोलस पोरान, ब्रेनडन टेलर, जोनी बाईरोस्टो, किरोन पोर्लाड,आदिल रशिद, शेल्डन कोटरल, लुंगी एनगिडी, एन्ड्र्यू टाय, मिशेल म्याक्लेनाघन रहेका छन्