साताको अन्तिम कारोबार दिन बिहीबार सेयर कारोबार मापक नेप्से परिसूचक दोहोरो अंकले बढेको छ ।

केही दिन यता लगातार घटिरहेको नेप्से परिसूचक बिहीबार भने ३५ दशमलव ६६ अंकले बढेर २४ सय ६४ दशमलव ३१ अंकमा पुगेको छ । ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पनि ८ दशमलव १३ अंकले बढेको छ ।

कारोबार रकममा भने धेरै सुधार हुन सकेन । दिनभर भएका ४२ हजार ५०६ कारोबारबाट २२४ कम्पनीका ५४ लाख ४४ हजार ७३८ कित्ता सेयर किनबेच भएका छन् । जसबाट कारोबार रकम २ अर्ब १२ करोड १५ लाख ११ हजार २८० रुपैयाँ पुगेको छ ।