कञ्चनपुर, भिमदत्त नगरपालिका-६ ऐठपुरस्थित नहरमा डुबेर कैलाली भजनी नगरपालिका-१ बस्ने ३४ वर्षीय सुनिल चौधरीको मंगलबार दिउँसो मृत्यु भएको छ । सोही नहरमा पानी लिन गएको अवस्थामा डुबेर बेहोस भएका उनको महाकाली प्रादेशिक अस्पतालमा उपचारको क्रममा मृत्यु भएको हो ।
त्यसैगरी दाङ, घोराही उपमहानगरपालिका-३ भैसपुर बस्ने ४५ वर्षीया चुन्चा खत्रीको सोही ठाउँस्थित कटुवा खोलामा डुबेर मंगलबार राति मृत्यु भएको छ । घोराही बजारबाट सालको पात बिक्री गरी घर फर्कदै गर्दा क्रममा उक्त खोला तर्ने क्रममा डुबेर उनको मृत्यु भएको बताइएको छ ।
यस सम्बन्धमा प्रहरीले आवश्यक अनुसन्धान गरिरहेको छ ।