लेटाङ । युवा स्वरोजगार तथा सिप विकासका लागि कम्प्युटर तालिमको आज एक कार्यक्रम गरि उद्घाटन गरिएको छ ।
लेटाङ नगरपालिकाका प्रमुख शंकर राईले तालिमको उद्घाटन गर्नुभएको हो । वडा नं. ३ र ४ को संयुक्त सहयोगमा संचालित तालिमलाई शिखर कम्प्युटर ईन्स्टिच्युट लेटाङले आयोजना गरेको छ ।
कार्यक्रममा उपप्रमुख कृष्णकुमारी निरौला , प्रमुख प्रसासकीय अधिकृत अच्युत प्रसाद दाहाल, उपसचिव कृष्णराज राईको उपस्थिती रहेको थियो । कार्यक्रम वडा नं. ३ का अध्यक्ष देवराज चाम्लिङको अध्यक्षतामा भएको थियो ।
तालिममा ३५ जनाले सहभागिता रहने जनाइएको छ । तालिम ३ महिना सम्म संचालन हुनेछ ।