विराटनगर मेनरोडका औषधि व्यवसायी हरिमोहन श्रेष्ठले ९० औं पटक रक्तदान गरेका छन् ।
विराट अस्पतालमा उपचारत उर्लाबारीका सञ्जय माझीका लागि उनले रक्तदान गरे । आइतबार राति उर्लाबारी–४ वरगाछीमा भएको दुर्घटनामा परी माझी अस्पताल भर्ना गरिएका थिए । उनको करङ भा“चिएर छातीमा रगत जमेको थियो । शल्यक्रियाका लागि ए पोजेटिभको ताजा रगत आवश्यक भएको बताइयो । त्यसैले ए पोजेटिभ भएका श्रेष्ठले रक्तदान गरेको बिरामीका दाजु भोलानाथ माझीले बताए ।
श्रेष्ठले तीन–तीन महिनामा रगतको आवश्यक परेका बिरामीलाई दिउ“सो राति केही नभनी रगत दिंदै आएका छन् । यसअघि उनले वैशाख १९ गते खोटाङ चिसापानीकी उर्मिला राईका लागि रक्तदान गरेका थिए ।
यसपटक तीन महिना पुग्नसाथ रक्तदान गर्न खोजेपनि कोरोना खोप लगाएको २४ दिनपछि मात्र पाइने भएपछि ढिलो गरी रक्तदान गर्नु परेको बताए । कम्तिमा एक सयपटक रगत दिने रहर रहेको श्रेष्ठले बताए ।
विराटनगरमा १०० पटकभन्दा बढी रगत दिनेमा डा केएन ठाकुरको कीर्तिमान छ । यस्तै नेपालमा प्रेम सागर कर्मचार्य (काठमाडौं) १६६ पटक र बढी पटक रक्तदान गर्ने नेपालीमा अर्जुन मैनाली छन् ।
अमेरिकामा रहेका मैनालीले आफ्नो रक्तदानको ३४ औं वार्षिकोत्सव मनाउ“दै शुक्रबार १९९ पटक रक्तदान गरेका हुन् । यस अवधिमा उनले दिएको रगत ५९७ जनाको जीवन रक्षाका लागि उपयोग भएको छ ।