विराटनगर महानगरपालिकाले १९ वटै वडाका जनतालाई यौनजन्य रोगबाट सुरक्षित राख्न निःशुल्क कण्डम वितरण अभियान थालेको छ ।
महानगरपालिकाले जनस्वास्थ्य महाशाखा मार्फत १९ वटै वडाका स्वास्थ्य केन्द्रमा कण्डम बक्स जडान गरेर वितरण कार्य शुरू गरेको हो ।

विराटनगर–१० का वडाध्यक्ष माधवराज वाग्लेले वडावासीलाई यौन जन्य रोगबाट सुरक्षित राख्न कण्डम वितरण गरिरहेको जानकारी गराए । महानगरपालिकाले एकमुष्ठ परिमाणमा कण्डम किन्ने र वडा कार्यालयहरू मार्फत वितरण गर्ने गरेको छ ।

जनस्वास्थ्य महाशाखा प्रमुख रमेश कार्कीले पछिल्लो समय छालादेखि यौनजन्य रोगमा वृद्धि हुने गरेको देखिएको बताएका छन् ।

यौनजन्य सरूवा रोगबाट विराटनगरवासीलाई सुरक्षित राख्न १९ वटै वडामा कण्डम बक्स जडान गरी स्वास्थ्य केन्द्र मार्फत कण्डम वितरण कार्य शुरू गरिएको बताए ।