खबर ठुलो छ

गण्डकी प्रदेशका प्रदेश प्रमुख सीताकुमारी पौडेलले धार्मिक सहिष्णुता र सदभावले राष्ट्रिय एकताको भावना जागृत गराउने बताउनुभएको छ । इस्लाम समुदायको महान पर्व बकर इद (इदुल जोहा) का अवसरमा देशविदेशमा रहनुभएका सम्पूर्ण इस्लाम धर्मावलम्बीलाई शुभकामना व्यक्त गर्दै उहाँले यस पर्वले मेलमिलाप र भाइचारको सम्बन्ध अभिवृद्धि गराउने विश्वास व्यक्त गर्नुभएको हो ।

सदियौंदेखि एक अर्का बीच धार्मिक सहिष्णुता, सामाजिक सद्भाव कायम गर्दै भावानात्मक सम्बन्ध प्रगाढ हुँदै आएको सन्देशमा स्मरण गराइएको छ । सन्देशमा भनिएको छ  “धर्म संस्कार संस्कृति हाम्रा पहिचान र विशेषता हुन् । यस भित्रका सकारात्मक पक्षको उजागार गर्दै अगाडि बढ्न आवश्यक रहेको छ । विविधतायुक्त नेपाली समाजमा यस पर्वले राष्ट्रिय एकताको भावना जागृत गराउन थप टेवा पुर्याउने छ । ”

प्रदेश प्रमुख पौडेलले कोरोना महामारीबाट यो कठिन अवस्थामा हाम्रा चाडपर्व र संस्कार संस्कृतीको महत्वलाई जोगाउनु पर्ने चुनौती रहेको उल्लेख गर्दै स्वास्थ्य मापदण्डको पूर्ण पालना पर्व मनाउन पनि सम्पूर्ण इस्लाम धर्मावलम्बिहरुलाई आग्रह गर्नुभएको छ । नेपालको संविधानको धारा ३२ले भाषा र संस्कृती सम्बन्धी हकको व्यवस्था गरेको छ । सो धाराको उपधारा (२)ले प्रत्येक व्यक्ति र समुदायलाई आफ्नो धार्मिक र सांस्कृतिक जीवनमा सहभागी हुनपाउने समान हकको व्यवस्था गरेको छ । संविधानले प्रत्याभूत गरेका अधिकारहरु मुश्लिम समुदायले प्रभावकारी रुपमा उपभोग गर्न सहयोग पुगोस् भनीे संविधानको धारा २६४ मा मुश्लिम आयोगको समेत व्यवस्था गरिएकोे छ । यस समुदायमा इदुल फित्र अर्थात् रमजान पर्वको ७० औं दिनमा बकर इद मनाउने विधि रहिआएको छ । सामूहिक रुपमा नमाज पढ्दै एक आपसमा अंकमाल गरेर शुभकामना साटासाट गरेर मनाइने गरिन्छ ।

बुधबार, साउन ०६, २०७८मा प्रकाशित गरिएको
प्रतिक्रिया दिनुहोस
जनमत

आउदो निर्वाचनमा तपाईको मत कुन पार्टीलाई ?

View Results

Loading ... Loading ...
ताजा
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया