विराटनगर । ‘जीवन बचाऔं’ अभियानका अभियन्ता तथा गायक गीतकार विष्णु राजवंशीलाई कामायनी मुम्बईले प्रशंसा प्रमाण–पत्र प्रदान गरको छ । उनलाई लामो लकडाउनले गर्दा दैनिकी हात मुख जोड्न समस्या भएका परिवारहरुलाई खाद्यान्न सहयोग गरे वापत सो प्रमाण–पत्र प्रदान गरिएको हो ।

अभियन्ता राजवंशी कोरोना महामारीको पहिलो तथा दोस्रो लहरमा समेत खाद्यान्न सामग्री वितरण गरेका थिए । उनले विराटनगर महानगरपालिका, जहदा गाउँपालिका तथा विराटनगर अगल बगल क्षेत्रका रोजगारी गुमाएका तथा ज्याला मजदुरी न पाएर समस्यामा परेका परिवारलाई निरन्तर सहयोग गरेका हुन् ।

कामायनी मुम्बईले मानवीय सेवामा निरन्तर तत्पर रहेका विष्णु रजवंशीलाई कोभिड–१९ योद्धाको रुपमा प्रशंसा प्रमाण–पत्र प्रदान गरेको हो । भारतीय संचारकर्मी ईन २४ न्यूज टेलिभिजेनका प्रधानसंपादक अवानिन्द्रा आशुतोषले गीतकार तथा गायक विष्णु राजवंशीलाई सो प्रशंसा–पत्र प्रदान गरेका हुन् ।