सिरहा  । मुख्यमन्त्री लालबाबु राउतले कोरोना महामारीको वर्तमान अवस्था बारे आठ बटै जिल्लाका प्रमुख जिल्ला अधिकारी (सिडिओ)हरुसंग छलफल गरेका छन् ।

मुख्यमन्त्री तथा मन्त्री परिषदको कार्यालयले आयोजना गरे भर्चुअल सम्बादमा मुख्यमन्त्री राउतले आठ वटै जिल्लाका प्रमुख जिल्ला अधिकारीहरुसंग जिल्लाको वर्तमान अवस्था, सरकारले चालेका कदमहरुको प्रभाव र अगामी दिनमा अपनाउनु पर्ने रणनीतिहरु बारे जानकारी लिए । छलफलमा प्रमुख जिल्ला अधिकारीहरुले जिल्लामा रहेको कोरोना संक्रमितहरुको अवस्था, अस्पतालहरुमा थप गर्नु पर्ने सुविधा बारेमा जानकारी गराएका थिए ।

प्रमुख जिल्ला अधिकारीहरुको व्रिफिङ्गपछि मुख्यमन्त्री राउतले जिल्लाहरु बाट भएको मांगहरु बारे प्रादेशिक कोरोना संकट व्यवस्थापन केन्द्र र मन्त्री परिषदको बैठकबाट निर्णय गरिने जानकारी गराएका छन् । बैठकमा प्रमुख सचिव गोकर्ण मणि दुवाडी सहित सरोकारबला मन्त्रालयका सचिवहरु, सुरक्षा निकायका प्रमुखहरु पनि सहभागी थिए ।