कोरोना संक्रमणबाट आज थप १ सय ९३ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ६ हजार ३ सय ४६ पुगेको स्वास्थ्य मन्त्रालयले जनाएको छ ।

आज १८ हजार ९ सय ६५ जनाको परिक्षणमा पिसीआर प्रविधिबाट ७५ सय ५८ जना र एन्टिजेन विधिबाट २१६ जना संक्रमित भएको पुष्टि भएको हो । आज नेपालमा ७ हजार ९ सय १४ जना कोरोना संक्रमित थपिएका छन् । योसँगै संक्रमित हुनेको संख्या ५ लाख १३ हजार ५ सय ५७ पुगेको स्वास्थ्य मन्त्रालयका प्रवक्ता प्रा.डा. जागेश्वर गौतमले जानकारी दिए ।