हिपमत डटकम
हालै लण्डनमा बसेका ट्याटु आर्टिस्टले रोबोटिक्सको मद्दतले नेदरल्याण्डमा एक महिलाको हातमा ट्याटु बनाएका छन् । यस्तो फाइभजी प्रविधिको मद्दतले सम्भव हुन सकेको हो । यो संसारको पहिलो रिमोट ट्याटु हो जुन ४८३ किलोमिटरको दुरीबाट बनाइएको हो ।
रियल टाइम रोबोटमाथि नियन्त्रण यथावत रह्योः
फाइभजी प्रविधिबाट सुसज्जित रोबोटिक आर्मबाट ट्याटु बनाइएको हो । यसलाई लण्डनका टेक्नोलोजिस्ट नोयल ड्रियूले तयार गरेका हुन् । नोयलले बताए अनुसार उनले रियल टाइममा रोबोटको हातमा नियन्त्रण यथावत राखे र महिलको हातमा ट्याटु बनाए ।
यसको नाम राखियो इम्पोसिबल ट्याटुः
ट्याटु आर्टिस्ट वेस थोमसले हातमा डिजाइन बनाउनका लागि आफूले झण्डै सयपटक आफ्नो उपकरणको परीक्षण गरेको बताए । ट्याटु नेदरल्याण्डकी नायिका स्टिन फ्रेन्सेनको हातमा बनाइयो । यसलाई ‘इम्पोसिबल ट्याटु’ को नाम दिइएको छ ।
लकडाउनमा बनाए रोबोटिक आर्मः
लकडाउनका बेला करिब ६ हप्तामा यस्तो प्रविधि विकसित गरियो जसमार्फत् सयौं किलोमिटर टाढाबाट पनि ट्याटु बनाउन सहज हुन सक्यो । नोयल भन्छन्, ‘यो प्रविधिसँग सम्बन्धित धेरै कुरा घरमा तयार गरिएको छ भने केही बाहिरबाट खरिद गरिएको हो । ट्याटु बनाउन मेसिनलाई निर्देशन दिने र ट्याटु बनाउनमा ढिलाई भएन । यसकारण १–१ मिलिमिटरसम्म सटिक परिणाम देखियो ।’
ट्याटु बनाउने प्रक्रियामा बन्यो डकुमेन्ट्रीः
रियल टाइम रोबोटिक्स ट्याटुको पूरा प्रक्रियामा ३ मिनेटको डकुमेन्ट्री बनाइएको छ । ट्याटु आर्टिस्ट थोमसले थुप्रै इन्जिनियर्ससँग यो प्रविधिबारे कुरा गरे, उनीहरुलाई आफ्ना आइडिया बुझाए । थुप्रै महिनाको तयारीपछि परीक्षण भयो जुन सफल रह्यो ।
१.
२.
३.
