नेकपा एमालेको माधव नेपाल–झलनाथ खनाल पक्षले आयोजना गरेको दुई दिने राष्ट्रिय कार्यकर्ता भेलाका निर्णय केहीबेरमा सार्वजनिक गर्ने तयारी गरेको छ । भेलामा आएका सुझावलाई एकीकृत गर्न शीर्ष नेताहरु अहिले छलफलमा जुटेका छन् । नेताहरुले भेलाको समीक्षा गर्दै निर्णय र आगामी कार्य योजनाबारे पत्रकार सम्मेलनमार्फत सार्वजनिक गर्ने तयारी भएको नेताहरुले बताएका छन् ।

ललितपुरको सानेपास्थित हेरिटेज गोर्डेनमा भएको भेलामा नेता माधव कुमार नेपालले प्रतिवेदन पेश गरेका थिए । उक्त प्रतिवेदनमाथि १० समुहमा समूहगत छलफल गर्दै सुझाव समेटिएको छ ।