दाङमा देउरानीको कुटाईबाट जेठानीको मृत्यु भएको छ। दाङको तुलसीपुर उपमहानगरपालिका–६ मोतिपुर बस्ने ४४ वर्षीया भगवती बुढाथोकीको कुटाइबाट सोही स्थानकी ४८ वर्षीया आइती बुढाथोकीको मृत्यु भएको हो। आइती र भगवती देउरानी जेठानी हुन्।

घटनामा संलग्न भगवती बुढाथोकीलाई शनिबार साँझ प्रहरीले पक्राउ गरेको छ। भगवतीले माघ २ गते बिहान घटना गराएको प्रहरीको भनाई छ । टाउकोमा चोट लागेर गम्भीर घाइते भएकी आइतीको भारतको लखनउमा उपचारका क्रममा शुक्रबार राति मृत्यु भएको हो। मृत्युको खबरलगत्तै प्रहरीले भगवतीलाई नियन्त्रणमा लिएर थप अनुसन्धान गरिरहेको छ।