युरोपियन च्याम्पियन्स लिगमा आज इंग्लिस क्लब चेल्सी र स्पेनिस क्लब सेभिल्लाले खेल्दैछन् । समूह चरणअन्तर्गतको उक्त खेल नेपाली समयानुसार राति १२ः४५ बजे हुनेछ ।
चेल्सीको मैदान स्टाम्फोर्ड ब्रिजमा हुने यस खेलमा समूह ‘ई’मा रहेका यी दुई टोली सुखद सुरुआत गर्ने लक्ष्यमा छन् ।
चेल्सी घरेलु मैदानमा जित निकाल्दै सुखद सुरुआत गर्ने योजनामा हुनेछ । तर, सेभिल्लाविरुद्ध जित निकाल्न चेल्सीलाई त्यति सहज भने हुने छैन । किनकि, युरोपा लिग विजेता सेभिल्ला चेल्सीका लागि बलियो प्रतिद्वन्दीसमेत हो ।
यी दुईले च्याम्पियन्स लिगमा पहिलो पटक खेल्न लागेका हुन् । चेल्सी र सेभिल्लाले एक अर्काविरुद्ध अहिलेसम्म खेलेका छैनन् ।
यसै समूहको अर्को खेलमा रेन्नेस र क्रान्सोडर पनि आज प्रतिस्पर्धामा छन् । रेन्नेसको मैदानमा हुने यो खेल राति १२ः४५ बजे हुनेछ ।