नेप्से सप्ताहको अन्तिम दिन आज विहिवार हरियो झण्डा एक कदम अगडी बढेर बजार बन्द भएको छ । लगातार ओरालो लागेको नेप्सेमा यस सप्ताहमा दुई दिन मात्र हरियो झण्डा देखिएको छ । आजको बजार कारोबार १.२९ अंक बढेर १५६२.४६ मा बन्द भएको छ ।

आज बजारको शुरुवात सकारात्तमक रुपले १५८० को तीव्र गतीमा अगाडी बढे पनि केहि बेरमै तल झर्दै अगाडी बढि रहे । समान्य तलमाथी हुँदै निरन्तर ओरालो लागेको बजार १५६२.४६ मा बन्द भएको छ ।  १ अर्व ४२ करोड ५८ लाख ९० हजार ७ सय ३८ को टर्नअभर भएको आजको बजारमा १९६ कम्पनीको सहभागीता रहेको थियो । त्यस्तै आजको शेयर ट्रेड ४९ लाख ९४ हजार ३ सय ६७ रहेको छ ।

आजको बजारमा बैंकिङ्ग, ट्रेडिङ्ग, हाइड्रोपार, मिच्वल फण्ड तथा अन्यमा हरियो देखिए पनि अन्य सबैमा रातो नै देखिएको छ । आजको सुस्त कारोबारमा दशैं छुटिको प्रभाव देखिएको छ । अब आउने दिनमा नेप्सेको चाल के हुन्छ सबैको लागि चासोको विषय बनेको छ ।