राजस्थान रोयल्सले इन्डियन प्रिमियर लिगमा आइतबार सनराइजर्स हैदराबादमाथि पाँच विकेटको सनसनीपूर्ण जित दर्ता गरेको छ ।एक समय निश्चित हारतर्फ अग्रसर राजस्थानले खेलमा अविश्वरणीय पुनरागमन गरेको थियो ।
यसक्रममा राजस्थानले १९.५ ओभरमा पाँच विकेट गुमाएर १ सय ६३ रन बनायो । त्यसमा रियान पराग र राहुल तेवतियाले आक्रामक ब्याटिङ गरे । रियानले २६ बलमा ४२ बनाए । यस्तै राहुलले २८ बलमा ४५ रन बनाए ।
उनीहरूले छैटौं विकेटका लागि ८५ रनको साझेदारी गरे र नटआउट रहे । यसअघि राजस्थानले ७८ रन बनाउँदासम्म पाँच विकेट गुमाइसकेको थियो । यस्तोमा हार निश्चित देखिएको थियो ।
टस जितेर हैदरावादले पहिले ब्याटिङ गर्ने निर्णय गरेको थियो र यसक्रमा २० ओभरमा चार विकेट गुमाएर १ सय ५८ रन बनायो । त्यसमा डेविड वार्नरले ४८ रन र मनिष पाण्डेले ५४ रन बनाए ।