जल तथा मौसम पूर्वानुमान महाशाखाले आगामी तीन दिन सम्मको मौसम पूर्वानुमान जारी गरेको छ । बिहीवारको मौसम भारतको बंगाल खाडीको उत्तर–पश्चिम भागमा रहेको न्युन चापीय क्षेत्रको प्रभाव पूर्वी नेपालसम्म आईपुगेकोले हाल देशभर आँशिक देखि सामान्य बदली रहने मौसम पूर्वानुमान महाशाखाले जनाएको छ ।

महाशाखा अनुसार बिहीवारको मौसम प्रदेश १, प्रदेश २ र बागमती प्रदेशमा आंशिक देखि सामान्य बदली र बाँकी प्रदेशहरुमा आंशिक बदली रहनेछ । प्रदेश १, प्रदेश २ र बागमती प्रदेशका एक वा दुई स्थानमा हल्का वर्षा समेत हुन सक्ने जनाएको छ । त्यस्तै शुक्रबार पनि प्रदेश १, प्रदेश २ र बागमती प्रदेशमा आंशिक देखि सामान्य बदली र बाँकी प्रदेशहरुमा आंशिक बदली रहनेछ भने प्रदेश १ र बागमती प्रदेशका एक वा दुई स्थानमा हल्का वर्षा समेत हुन सक्ने जनाएको छ । शानिवार प्रदेश १ र प्रदेश २ मा आंशिक बदली र बाँकी प्रदेशहरुमा मौसम सफा रहनेछ । दिउँसो तिर प्रदेश १ र प्रदेश २ का केहि स्थानमा हल्का वर्षाको सम्भावना रहेको महाशाखाले उल्लेख गरेको छ ।