कोरोना भ्याक्सिन बनाउने होडबाजी चलिरहेका बेला रुसले अगष्टमा पहिलो भ्याक्सिन तयार गरेको घोषणा गर्याे, तर विश्वभरका कयौँ देश चकित परे भने कतिपय देशले रुसको भ्याक्सिनमाथि प्रश्न समेत उठाए ।
यसैगरी कयौँ देशका वैज्ञानिकद्धारा यो भ्याक्सिन पूर्ण रुपमा सुरक्षित नभएको बताइएका कारण रुसी भ्याक्सिन स्पुतनिक–भी प्रति कयौँ देशले रुची देखाएनन् ।
यसैबीच रुसी राष्ट्रपति भ्लादिमिर पुटिनले भ्याक्सिन लगाउने इच्छा व्यक्ति गरेका छन् । एक रिपोर्टका अनुसार, आफ्नो आगामी विदेश यात्राभन्दा पहिले राष्ट्रपति पुटिनले कोरोना भ्याक्सिन लगाउनेछन् ।
रिपोर्टका अनुसार, कोरोना महामारीबाट रुसी राष्ट्रपतिको सुरक्षाका लागि यो घोषणा गरिएको हो । राष्ट्रपति पुटिनले महामारीप्रति पहिलेदेखि नै चिन्ता प्रकट गर्दै आएको र कोरोना महामारीबाट बच्नका लागि यो भ्याक्सिन लगाउन जरुरी भएको बताइएको छ ।
रुसले ११ अगष्टमा आफ्नो पहिलो कोरोना भ्याक्सिन रजिष्टर गराएको थियो । योसँगै रुस कोरोना भ्याक्सिन जारी गर्ने विश्वको पहिलो देश बनेको थियो। रुसी भ्याक्सिन स्पुतनिक–भी को तेस्रो चरणको ट्रायल पूरा भइसकेको छैन । यसको तेस्रो र अन्तिम चरणको ट्रायल रुस र अन्य देशहरुमा चलिरहेको छ ।
कयौँ देशका वैज्ञानिकहरुले रुसको भ्याक्सिनमाथि प्रश्न उठाइरहेका बेला रुसी अधिकारीहरुले भने कोरोनाको संकट समाप्त गर्नका लागि यो भ्याक्सिन प्रभावकारी प्रमाणित हुने बताउँदै आएका छन् ।
संयुक्त राष्ट्रसंघको ७५ब औँ वार्षिक कार्यक्रमलाई सम्बोधन गर्दै पुटिनले भनेका थिए कि, रुसको कोरोना भाइरस भ्याक्सिन ट्रायलका क्रममा विश्वसनीय, सुरक्षित र प्रभावकारी भएको पाइएको छ । भ्याक्सिनलाई सबै देशमा बाड्नका लागि हामी तयार छौँ । उनले संयुक्त राष्ट्रसंघका कर्मचारी र अधिकारीहरुलाई भ्याक्सिनको निःशुल्क डोज दिने पनि बताए ।-मेरोलगानी/Photo: Agency
१.
२.
३.
