क्याराबिन प्रिमियर लिग(सीपीएल) यस सिजनको आफ्नो पहिलो खेलमा नेपालका युवा क्रिकेटर सन्दीप लामिछानेले राम्रो प्रदर्शन गरेका छन्। सन्दीप आवद्ध द्धोली जमैका तल्लवाशले जित हात पारेको छ। सन्दीपले यस खेलमा १ विकेट लिँदै उत्कृष्ट बलिङ गरे। ९औं ओभरमा बलिङमा आएका सन्दीपले यस ओभरमा ८ रन दिए। त्यसपछि ११औं ओभरमा ३ रन मात्रै दिएका उनले १३औं ओभर ८ रन दिए। १५औं ओभरमा आफ्नो अन्तिम ओभर बलिङ गर्न आएका उनले दोस्रो बलमा विकट लिन सफल भए।

२१ बलमा २५ रन बनाएर खेलिरहेका आफगान खेलाडी नाजिबुल्लाहलाई पावेलको हातबाट क्याच आउट गराए। यस ओभरमा ४ रन मात्रै दिए।४ ओभरमा २४ रन मात्रै दिएका सन्दीप यस खेलमा उनको टोलीबाट सबैभन्दा किफायती बलर बने। लिगको आफ्नो पहिलो खेलमा सन्दीपको टोली जमैकाले सेन्ट लुसिया जुक्सलाई ५ विकेटले हरायो।

गएराति ब्रायन लारा रंगशालामा भएको खेलमा जमैकाले टस जितेर सेन्ट लुसियालाई पहिले ब्याटिङको निम्ता दिएको थियो। पहिले ब्याटिङ गरेको सेन्ट लुसियाले निर्धारित २० ओभरमा दिएको ७ विकेट गुमाएर १५८ रन बनाएको थियो १५९ कोे लक्ष्य जमैकाल १८.५ ओभरमा ५ विकेट गुमाउँदै पूरा गर्‍यो।

यो पनि:शहरको बसोबास र कम शारीरिक अभ्यासका कारण अधिकांश नेपालीको पेट लागेको छ । पेट जति सजिलै लाग्छ घट्न त्यतिनै मुस्किल पनि छ । त्यसैले तपाईंलाई सजिलै गरी पेट घटाउनका लागि गर्नुपर्ने ८ अभ्यासबारे जानकारी दिँदैछौ । जुन अभ्यास तपाईले दैनिक एक महिनासम्म लगातार गर्नु भयो भने नतिजा आफैं थाहा पाउनु हुनेछ । त्यसका लागि तपाईंले २० मिनेटको दैनिक समय छुट्याउनुभयो र खानपान थोरैमात्र व्यवस्थापन गर्नुभयो भने पुग्नेछ ।यस्ता छन् मोटो पेट घटाउने शारीरिक अभ्यास:

लेग लिफ्ट=लेग लिफ्ट १५ रेप्स ३ सेट्सः यो व्यायाम गर्दा भुइँमा उत्तानो पल्टने र दुवै हात भुइँमा सीधासँग राख्ने। दुवै खुट्टा सीधा बनाएर भुइँदेखि कम्मरको सीधा उचाल्नुपर्छ।बाइसाइकल=बाइसाइकल १५ रेप्स ३ सेट्स : यो व्यायाम लेग लिफ्टकै पोजिसनमा सुतेर साइकल चलाएको तरिकाले खुट्टा चाल्नुपर्छ।अल्टरनेटिङ लेग लिफ्ट=अल्टरनेटिङ लेग लिफ्ट १५ रेप्स ३ सेट्सः यस स्टेपमा दुवै खुट्टा सीधा बनाउने र पालैपालो तल–माथि पार्ने।

सिजर्स= सिजर्स १५ रेप्स ३ सेट्सः यो स्टेप गर्दा दुवै खुट्टा कैँची स्टाइलमा चलाउने।रक क्लाइम्बर=रक क्लाइम्बर १५ रेप्स ३ सेट्सः यो व्यायाम गर्दा पोजिसन चेन्ज गर्नुपर्छ। शरीरलाई घोप्टो बनाएर दुवै हातले जमिनमा टेक्ने र खुट्टा चलाउने अर्थात् हिँडेजस्तो गर्नुपर्छ।पेल्भिक लिफ्ट=पेल्भिक लिफ्ट १५ रेप्स ३ सेट्सः यो व्यायाम उत्तानो पोजिसनमा दुवै खुट्टा र कुहिनाले जमिनमा टेक्ने र कम्मरलाई माथितिर उठाउने र जमिनतिर अर्थात् तल–माथि गर्ने।

एल्बो टु नी क्रन्चेच=एल्बो टु नी क्रन्चेच १५ रेप्स ३ सेट्सः यो व्यायाम गर्दा उत्तानो ढल्कने र घुँडा खुम्चाउने। एउटा खुट्टा अर्को घुँडामाथि राख्ने र दुवै हात टाउकोपछाडि राखेर टाउको उठाउने अनि कुहिनाले घुँडा छुने। यसरी दुवैपट्टि पालैपालो गर्ने।लेग होल्ड=लेग होल्ड १५ रेप्स ३ सेट्सः यो व्यायाममा उत्तानो पोजिसनमा खुट्टालाई जमिनभन्दा माथि उठाएर होल्ड गर्नुपर्छ। यी माथि उल्लिखित व्यायाम नियमित रूपमा गर्नुभयो भने पेट घट्नुका साथै ‘टाइट’ हुन्छ। नियमित व्यायाम गर्न थालेको १५ दिनदेखि शरीरमा आएको फरकपन थाहा पाउनुहुन्छ। यसले तपाईंलाई रिफ्रेस पनि बनाइराख्छ।

प्रतिक्रिया दिनुहोस
ताजा
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया