खबर ठुलो छ

नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले पार्टी फुट्नसक्ने संकेत गरेका छन् । उनले त्यसका लागि मानसिकता तयार गरेर बस्नसमेत भनेका छन् । आज आफ्नो समुहका नेता तथा निकटस्थ सञ्चारकर्मीलाई बोलाएर भेला गर्दै प्रचण्डले कुनैपनि बेला कठोर निर्णय लिएर जानुपर्ने परिस्थितिबारे व्याख्या गरे । यस्तै परिस्थिति रहे पार्टी फुटतर्फ जाने खतरा आउनसक्छ, प्रचण्डको भनाई उदृत गर्दै एक सहभागीले भने, कहिलेकाहीं खराब परिस्थिति पनि आउनसक्छ र त्यसका लागि मानसिकता तयार गरेर बस्नुपर्छ ।

प्रचण्डले अर्का अध्यक्ष केपी शर्मा ओलीको कार्यशैलीको चर्को आलोचना गरे । उनले आफ्नो अपमान गर्ने गरी निरन्तर गतिविधिहरु भइरहेको टिप्पणी गरे । पूर्व एमालेहरुलाई एक बनाउने र पूर्व माओवादीलाई तान्ने शैलीमा आक्रमण गर्नुपर्छ भन्ने हिसाबले जान खोजिएको आरोप लगाए । ओलीले पार्टीको निर्णय समेत नमान्ने भनेर बढ्न खोजेको भन्दै असन्तुष्टि जनाए । प्रचण्डले अध्यक्षका रुपमा आफ्नो कुर्सी हटाएर अपमानित गरेको स्मरण गराए ।

ओलीमाथि पटक पटक फुटको पक्षमा गतिविधि गर्दै आएको प्रचण्डको आरोप थियो । निर्वाचन आयोगमा नेकपा एमाले दर्ता, बहुदलीय जनवादको नारा देखि सडकमा राष्ट्रवादको नाममा नारावाजी लगाउने सम्म गराइएको आरोप लगाए ।

भेलामा प्रचण्डका अलावा वरिष्ठ नेताहरु झलनाथ खनाल र माधव नेपाल र प्रवक्ता नारायणकाजी श्रेष्ठ पनि सहभागी थिए । उनीहरुले पार्टी नेतृत्वको चर्को आलोचना गरेका थिए । अवस्था यसरी नै बढे पार्टी गम्भीर दुर्घटनामा पुग्ने र दुरगामी नकारात्मक असर पर्ने भन्दै ठोस कदम चाल्नुपर्नेमा जोड दिएका थिए

बुधबार, साउन २१, २०७७मा प्रकाशित गरिएको
प्रतिक्रिया दिनुहोस
सम्बन्धित खबरहरु
जनमत
  • व्यवसायिक रुपमा पाँचौ पुस्ता (5G) सेवा सञ्चालन गर्ने पहिलो देश कुन हो ?

    View Results

    Loading ... Loading ...
ताजा
भाइरल
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

सोसल मिडिया