गोरखा नगरपालिका– ११ स्थित पन्ध्र किलो घुम्तीमा टिपरले नेपाली सेनाको गाडीलाई ठक्कर दिदाँ ५ जना सैनिक घाइते भएका छन् । तनहुँको आँबुखैरेनीबाट गोरखा आउँदै गरेको बा१झ ५८०० नम्बरको सेनाको गाडीलाई बुधबार साँझ करिव ५ः ३० बजे विपरीत दिशाबाट जाँदै गरेको लु १ प ३८४६ नम्वरको टिपरले ठक्कर दिएको हो।
दुर्घटनामा घाइते भएका सैनिकलाई उपचारका लागि जिल्ला अस्पताल गोरखा लगिएको छ। घाइते सबै सैनिक रहेको जिल्ला ट्राफिक कार्यालय गोरखाले जनाएको छ। टिपर र टिपर चालकलाई नियन्त्रणमा लिइएको जिल्ला ट्राफिक प्रहरी गोरखाका प्रमुख मित्रलाल ढकालले रातोपाटीलाई बताए।