एक बुवाले २१ महिनादेखि आफ्नो जवान छोराको कंकाल घरमै सम्हालेर राखिरहेका छन् । उनले आफ्नो छोराको कंकाललाई सुरक्षित किसिमले राखिरहेका छन् । प्रहरीले सामान्य मृत्यु भन्दै छोराको मृत्युको घटनालाई बन्द गरिसकेको छ ।
तर बुवाले अझै पनि उनको हत्या नै भएको शंका गर्दैछन् । छोराका हत्यारालाई सजाय दिलाएर मात्रै छोराको कंकालको अन्त्यष्टि गर्ने बुबाको अडान छ ।
यो घटना भारतको राजस्थानको आबुरोड नजिकैको जामरु गाउँको हो । त्यस गाउँ बस्ने हगरा भाई नाम गरेको बुवाले २१ महिनादेखि आफ्नो छोराको कंकाल सम्हालेर राखिरहेका छन् ।
बुवाले भनेअनुसार नटुभाई नाम गरेको उनका छोरा २७ अगस्ट २०१८ मा घरबाट निक्लेका थिए । छोराको लास भने ५ सेप्टेम्बर २०१८ मा सडेगलेको अबस्थामा गाउँ बाहिर भेटिएको थियो ।
ती बुवाले हडाद प्रहरी चौकीमा केही शंकास्पद व्यक्तिहरुको विरुद्ध उजुरी दर्ता गरेका थिए । प्रहरीले भने सामान्य प्रकृतिको मृत्यु भन्दै ती उजुरी माथि अनुसन्धान गर्नुको सट्टा फाईल नै बन्द गरिदिए ।
प्रहरीको अनुसन्धानबाट असन्तुष्ट रहेका ती बुवाले आफ्नो छोराको अन्तिम संस्कार गरेनन् । उनले ती कंकाललाई आफ्नो घरको ट्वाईलेटमा प्लाष्टिकमा पोको पारेर राखेका छन् ।
दैनिक जसो ती बुवाले छोराको कंकाललाई टोकरीमा राख्ने र फेरी प्लाष्टिकमै पोको पार्ने गर्छन् । प्रहरीले भने पोष्टमार्टम रिपोर्टमा हत्याबाट मृत्यु नभएको पुष्टि गरिसकेको छ ।न्युज अफ नेपालबाट
१.
२.
३.
