नरहा गाउँपालिका वडा नं. २ पानवरीमा करेन्ट लागेर एक किशोरीको ज्यान गएको छ । स्थानीय रामजुलुम यादवकी १४ वर्षिय छोरी सम्झना कुमारीको पानी तान्ने मोटरमा करेन्ट लागेर ज्यान गएको हो । पानी तान्ने मोटरमा करेन्ट लागेर सख्त घाइते भएकी सम्झनाको उपचार गराउन लानेक्रममा बाटोमै ज्यान गएको जिल्ला प्रहरी कार्यालय सिरहाका सुचना अधिकारी (डिएसपी) विनोद घिमिरेले जानकारी दिनुभयो । किशोरीको शव पोष्टमार्टमको लागि लहानस्थित रामकुमार उमाप्रसाद स्मारक अस्पतालमा राखिएको छ ।