सामाजिक सञ्जाल हिजोआज यति असरदार छन् कि मान्छे जम्मा हुन कत्ति बेर नलाग्ने ! बिहीबार अघि र पछि तनावग्रस्त बनेको बालुवाटार–भाटभटेनी खण्डको प्रदर्शनलाई लिएर विभिन्न टिप्पणी हुन थालेका छन् ।
सुरक्षा निकायहरुले सरकारसमक्ष शुक्रबार पेश गरेको विश्लेषणमा भनेका छन्, ‘राजनीतिक कोणबाट हेर्दा यसमा कसैको प्रत्यक्ष संलग्नता छैन । तर, असंगठित युवाहरु यसरी भेला हुने, प्रदर्शनमा उत्रिने सिलसिलाले स्थिति राजनीतिक नेतृत्वको नियन्त्रणभन्दा बाहिर जाने खतरा देखिन्छ ।’
लकडाउन र कोरोना संक्रमणको कारण अहिले जनता सबभन्दा बढी फुर्सदमा छन् ।
कोरोना संक्रमण व्यवस्थापनका सन्दर्भमा सरकारले गरेका कामबारे शुरुवातदेखि नै प्रश्न उठ्दै आएको छ । कतिपय सन्दर्भ प्रश्नयोग्य पनि छन् ।