यतिबेला कालापानी, लिपुलेक र लिम्पियाधुरालाई आफ्नो क्षेत्रमा पार्दै नेपालको नया नक्सा सार्बजनिक पश्चात् यो चर्चाले उग्र रुप लिएको छ । दुई देश भारत र नेपाल बिच यतिबेला घम्साघम्सि नै चलिरहेको छ । अझै नेपाली मुलकी बलिउड अभिनेत्री मनिषा कोईरालाले नेपालको नया नक्सालाई स्वागत गर्दै गरेको ट्विटले त यतिबेला तहल्का नै पिटिरहेको छ । नेपालमा उनलाई समर्थन गर्नेको लहर छ भने भारतमा बिरोध गर्नेको लर्को लागेको छ । उनको २ खाले चर्चा यतिबेला दुई देशमा चलिरहेको छ । नेपालमा उनलाई नेपाली तथा विभिन्न सेलिब्रेटीहरुले समर्थन जनाईरहेका छन् ।

नायिका पुजा शर्माले मनिषाको समर्थन गर्दै फेसबुक एकाउन्टमा मनिषाको एक तस्वीर सहित पोस्ट गरेकी छन । उनले लेखेकी छन् “भारतीय मिडीयाले भारतीय जनताको मन जित्न सफल नायिका मनीषा कोईरालाले समेत नेपालको जमीन हो भन्दै नेपालको पक्ष लिइन के साच्चै लिम्पियाधुरा, लिपुलेक , कालापाी नेपालको होत ? खास तथ्य सत्य केहो भनेर इतिहास केलायर समाचार बनाउने र खोजी गर्ने तेती ठुलो देश भारत भरिनै कुनै मिडीयानै रहेनछ यो दुःखद कुरा हो । मनीषा दिदीले भारतको नुन भिख मागेर खानुभयको हैन आफ्नो कलाकारितामा उभियर खानुभयको हो मनीषा दिदीको योगदानलाई लत्याउदै उल्टै अपशब्द बोल्ने मिडीया प्रति टीठ लागेर आयो

नेपालीहरु काम र कर्मको सिलसिलामा सन्सारभर होलान तर जब देश र आफ्नो जमीनको कुरा हुन्छ तेतीबेला देशकै पक्षमा बोलीन्छ जन्मदिने आमालाई पराई ठानेर मेरै आमाको अङ्ग लुच्छने पराईलाई आमा भन्न सकिदैन चेतना भया | अर्को दुःख यसमा लागेको छकी भारतीय मिडीयाले नेपाल र मनीषा दिदीको बारेमा ठुलो ठुलो स्वरमा नानाभती भनीरहदा नेपालका मिडीयाहरुले खासै आवाज उठाउन सकेनन”

यस्तै चर्चित संचारकर्मी रवि लामिछाने पनि उनको समर्थनमा ओजपुर्ण शब्दहरु आफ्नो फेसबुकमा लेखेका छन् । उनले “मनिषा कोईरालाको एउटा टुइटले यति धेरै पसिना ? कठै भारतिय मिडिया ! आफ्नो माटोको पक्षमा बोल्ने एक नायिका माथी गाली गलौज जस्तो तल्लो स्तरमा उत्रनुपरेछ । कहिल्यै अर्काको उपनिवेश नभएको, स्वतन्त्रता दिवस कहिल्यै मनाउन नपर्ने, जन्मै देखि स्वतन्त्र देश नेपालकी छोरी हुन् – मनिषा कोइराला , अनि बोल्दिनन त?  And I strongly suggest all Indian medias  to study your own map that was submitted to the United Nations by your own government. Please  take a look at our political map issued officially today.” लेखेका छन् ।

उनले आजको कार्यक्रम “सिधाकुरा जनता संग”मा पनि यो बिषयमा खरो प्रस्तुति राख्ने तयारी गरेरहेको फेसबुकमा लेखेका छन “आजको कार्यक्रमको विशेष तयारीमा छौ । भारतीय मिडिया जस्तो बकम्फुसे हल्ला हैन, तथ्य र प्रमाणमा बोल्ने प्रयासमा छौ। I would like to recommend fellow Indian Journalists to check the history, collect the evidences,read them all until you understand the fact and then enter to your studios. Or STOP NONSENSE.”