संयुक्त राष्ट्र (यूएन) प्रमुखले कोरोनाभाइरसविरुद्धको लडाईंमा अन्तर्राष्ट्रिय स्तरमा समन्वयमा कमीको विषयमा चिन्ता व्यक्त गरेका छन् ।
यूएन प्रमुख एन्तोनियो गुटेरसले बीबीसीका निक ब्रायन्टलाई दिएको अन्तरवार्तामा भने, ‘म यो कुराले निराश छु कि संसारभरीका देश यो भाइरसविरुद्ध एकजुट भएर लडिरहेका छैनन् ।’
उनले सबै देशले आ–आफ्नो रणनीति अनुरुप काम गरिरहेको बताउँदै संक्रमण रोक्नका लागि सबै देश एक भएर लडेको भए प्रभावकारी हुने धारणा राखेका छन् ।
एन्तोनियो गुटरेसले संसारभरीका शक्तिशाली मुलुक पनि यो महामारीविरुद्ध अग्रसर नभएको बताएका छन् । एजेन्सी