माहेश्वरी समाज ,युवा मञ्च र माहेश्वरी महिला मञ्च विराटनगरले सम्युक्तरुपमा राहत सामाग्री प्रदान गरेको छ । विराटनगर महानगर मार्फत प्रदान गर्ने गरी १ सय ७० परिवारलाई पुग्ने राहत प्रदान गरिएको समाजका अध्यक्ष नन्दकिशोर राठीले जानकारी दिए । जसमा १ सय ७० बोरा चामल,२० बोरा दाल रहेको छ ।

कोरोना भाईरसको सङक्रमण रोकथाम तथा न्यूनीकरण गर्न जारी गरिएको लकडाउनमा दुई छाक टार्न गाह्रो हुने परिवारलाई मध्यनजर गर्दै सो सहयोग बुधवार विराटनगर महानगरपालिकाका मेयर भीम पराजुलीलाई हस्तान्तरण गरिएको समाजले जनाएको छ । यस्तै माहेश्वरी महिला मञ्च र युवा मञ्चले वडा नं.९ लाई ३ सय थान माक्स र ३ सय वटा सावुन प्रदान गरिएको जनाइएको छ । कार्यक्रममा डां.शुसिल तापडिया ,नेपाल माहेश्वरी परिषदका अध्यक्ष,महेश सोनी,युवा मञ्चका श्रीप्रकाश तोतला ,अर्चना तापडिया,अभिताप माहेश्वरी लगायतको सहभागिता रहेको थियो ।