काठमाडौँ ।नेपाल राष्ट्र बैंकले ५० रुपैयाँ दरका ४२ करोड थान नयाँ नोट छाप्न चीनको **‘चाइना बैंक नोट प्रिन्टिङ एण्ड मीन्टिङ कर्पोरेसन’**सँग सम्झौता गरेको छ। राष्ट्र बैंकका अनुसार, सम्झौता नोटको डिजाइन, छपाइ र आपूर्तिका लागि गरिएको हो।

राष्ट्र बैंकका अनुसार, ५० रुपैयाँ दरका नोटका लागि बोलपत्र मिति २०८२–०४–०९ मा आह्वान गरिएको थियो। सम्झौताको कुल मूल्य १०,४२२,५३५.२१ अमेरिकी डलर (करिब १ करोड ४२ लाख अमेरिकी डलर) रहेको छ।

यसअघि, २०८२ साउन ९ गते (२५ जुलाई २०२५) राष्ट्र बैंकले राष्ट्रिय दैनिक दि राइजिङ नेपाल र बैंकको वेबसाइटमार्फत बोलपत्र आह्वान गरेको थियो। बोलपत्र प्रक्रियामा सहभागी कम्पनीहरूमध्ये न्यूनतम मूल्य प्रस्ताव दिने चाइना बैंक नोट प्रिन्टिङ एण्ड मीन्टिङ कर्पोरेसनलाई छनोट गरिएको थियो।

राष्ट्र बैंकले सार्वजनिक खरिद ऐन, २०६३ र खरिद निर्देशिका, २०६७ बमोजिम सम्पूर्ण प्रक्रिया पूरा गरी सम्झौता सम्पन्न भएको जनाएको छ।